Politikë

"Shqipëria do të ketë sistemin më të mirë të kamerave në Europë" premtimi i Taulant Ballës duke iu referuar projektit “Smart City”

Shkruar nga Liberale

"Shqipëria do të ketë sistemin më të mirë

Ministri i Brendshëm, Taulant Balla garanton qytetarët e Tiranës dhe 19 qyteteve të tjera të mëdha se shumë shpejt do të kemi një sistem të ri me kamera duke u referuar tek projekti “Smart City”.

I ftuar në emisionin “Opinion” në Tv Klan, ministri Balla theksoi se Shqipëria do të ketë sistemin më të mirë të kamerave jo vetëm në Ballkani Perëndimor, por në Europë.

Taulant Balla: Një prej gjërave që kam konstatuar dhe që më vjen mirë që e kemi adresuar është pjesa që lidhet me monitorimin me kamera të qytetit. Dua ta them këtu që projekti i madh për “Smart City” për 20 qytetet do të na lehtësojë punë sepse nëse do të kishim një mbulim me kamera në të gjithë territorin e qytetit do ta kishim pasur shumë më të lehtë për t’i identifikuar. Falë kamerave dhe element të tjerë… Dua t’i garantoj qytetarët e Tiranës që ne shumë shpejt do të kemi një sistem të ri me kamera dhe pastaj kur të shkojmë te turizmi edhe të monitorimit të zhurmave. Mund të them që Shqipëria do të ketë sistemin më të mirë të kamerave jo vetëm në Ballkani Perëndimor, por më shumë se kaq në Europë.

Blendi Fevziu: Në ç’kuptim sistemin më të mirë. Sistemin e vendosjes, cilësisë së kamerave, monitorimit?

Taulant Balla: Nuk është kamera në vetëvete sekreti i suksesit, por është pjesa nga mbrapa që shoqëron kameran. Ne sot në Vlorë ne monitorojmë dhe dimë në kohë realë çdo automjet që hyn në Vlorë dhe po ashtu dimë… Kjo gjë, ne duam që të ndërtojmë një program më të madh se ky. Këtë mund ta them me bindje që “Smart City” do të na mundësojë që ne kemi mundësi ta identifikojmë në kohë reale se ku gjendet në kohë reale për shkak të këtij sistemi. Me një komandë të caktuar ti mund të identifikosh kamerën e fundit që ai ka….

Liberale Newsroom

Poll
SHQIPENGLISH