Deputetja e Partisë së Lirisë, Monika Kryemadhi është paraqitur këtë të hënë në Prokurorinë e Posaçme.
Politikania u paraqit në ambientet e prokurorisë së posaçme në kuadër të respektimit të masës së sigurimit të vendosur ndaj saj, detyrim paraqitje.
Ndërkohë gjatë hyrjes në prokurori ajo tha para gazetarëve se orari i paraqitjes i ishte shtyrë me një orë, ndërsa bëri batuta duke thënë se do të fliste me ta, pasi të dilte se përse ishte veshur me rroba të zeza.
“Nuk është se kam ndonjë gjë të keqe, por do ua them pastaj”, u shpreh Kryemadhi.
