Kryeministri Edi Rama ka përgëzuar notaren Eva Buzo, e cila ia doli që të përshkojë me not Itali-Shqipëri.

Përmes një postimi në Facebook, Rama shkruan se sfida e Evës është një histori mbresëlënëse.

"Një histori mbresëlënëse ajo e Eva Buzos, avokatja shqiptare, e cila ka shënuar një rekord në not duke përshkruar 92 km nga brigjet e Italisë deri në Vlorë.

Një udhëtim në ujë prej 34 orësh për Evën, e cila sfidën e lënë në mes vitin e kaluar, u rikthye për ta përfunduar këtë vit, me një forcë fizike dhe psikologjike të jashtëzakonshme”, shkruan Rama.