Politikë

Ja ç’më tha Yuri Kim për prokurorët e SPAK? - Spartak Ngjela: SHBA po e shpëton Shqipërinë nga rreziku i shpërbërjes

Shkruar nga Liberale
Ja ç’më tha Yuri Kim për prokurorët e SPAK? -

Avokati Spartak Ngjela thotë se nëse Shqipëria nuk shpëton nga korrupsioni i lartë shtetëror, do të shpërbëhet.

Në emisionin “360 gradë” të Artur Zhejit në ABC News, Ngjela u shpreh se para se të ikte nga Shqipëria, ambasadorja amerikane, Yuri Kim i ka thënë gjatë një bisede, se prokurorët e SPAK janë të trembur dhe se kishte kërkuar që t’i mbronin.

Ndër të tjera, Ngjela shtoi se interesi amerikan për Shqipërinë është shumë i madh. Sipas Ngjelës, vendi është pa opozitë për shkak të ish kryeministrit Sali Berisha.

“Skenar amerikan është edhe kjo. Blinkeni tha, që ne do ta shpëtojmë Shqipërinë nga korrupsioni. Jam në dijeni, SPAK e kanë ndërtuar amerikanët, edhe ligjin e bënë amerikanët, edhe atë e drejtojnë ata me ekspertë. Shkoni në SPAK. Nuk ka tërheqje mbrapa. Nuk më besonit kur e thoja. Do vazhdojë loja. Unë e njoh mirë procedurën amerikane. Nuk shkon procedura amerikane me fushatë, i merr provat deri në fund. SPAK ka filluar dhe unë them se politika amerikane do e shpëtojë Shqipërinë nga korrupsioni."

Ca shqetësimi? Ti thua që fshatrat e Tiranës do mundin Amerikën? A jeni në vete? Çfarë do bëhet atje? E ka arrestuar SPAK Saliun. Çfarë proteste do mbajnë ata? Do mbajnë fjalime dhe do ikin në shtëpi. Ju mendoni se do të ketë revolucion? Vendi është pa opozitë sepse e ka lënë Saliu po opozitë. Është “non grata” në SHBA, nuk mund të ishte në një parti të djathtë në Shqipëri. Ai vazhdoi, por të ishte i zjguar mund të ishte tërhequr. E ka arrestuar SPAK, nuk e ka arrestuar pushteti gjyqësor ordiner. Kjo është optimizëm për këdo që është kundër korrupsionit, për të ardhmen e Shqipërisë”, theksoi ai.

“Përse po e tepron? Është liberal akoma. Para ca kohësh, para se të ikte amansadorja, kam pasur bisedë, më kanë thënë janë të trembur, unë kërkova t’i mbronin, si në perëndim. Krimi të vret. Çfarë e dini ju korrupsionin? Është kriminalitet i nivelit të lartë, nuk mund të ketë korrupsion nëse nuk ka punuar me tregun, është korrupsion i rrezikshëm. Kanë marrë në proces penal disa ministra, kryetarë bashkish, ish kryeministër. Kanë marrë kryetarë bashkish, por duhet më ashpër. Nëse SPAK, që e ka ngritur Uashingtoni dhe ata e drejtojnë, nëse Shqipëria nuk shpëton nga korrupsioni, shpërbëhet, 30-40% e të korruptuarve janë me Beogradin. Gjykatat që godasin krimin nuk kanë nevojë për mbështetje popullore. Drejtësia ka rregullin e vet të daljes në një shtet demokratik. Po nuk u godit korrupsioni i lartë shtetëror nga SPAK, Shqipëria shpërbëhet. Nuk kam folur ndonjëherë për skenar, interesi amerikan për Shqipërinë është shumë i madh. Interesi i madh i Amerikës, kuptohet, të ka dhënë dy shtete.”

“Këtu flitet, çdo bëjë SPAK? Nuk është koloni Shqipëria. Ata morën përsipër reformën në drejtësi dhe e bënë. I morën nga çadra dhe i çuan në parlament. SPAK ka dalë, ka pasur problemet e veta, tani duket se i ka kaluar. Ka një ish kryeministër të arrestuar, disa ministra dhe një ish zv.kryeministër që është arratisur. Ata kanë hyrë në rrugën normale të ligjit dhe të kushtetutës. Drejtësia nuk jepet nga populli, jepet nga populli, por duhet të kesh sistem tjetër gjyqësor, me atë komisionin, si gjykata amerikane. Nuk quhet spastrim quhet ka prova apo nuk ka prova për korrupsion. Gjithë shqiptarët e dinë që ka pasur korrupsion. Populli e di që ka paguar për të marrë një licensë, por nuk ka pasur drejtësi. Ky korrupsion, do ta marrë me prova, do ta akuzojë SPAK? Unë them se po, por duhet pritur. Unë di ato që ka bërë. Si të mos jem unë optimist?

“Pushteti gjyqësor pa SPAK, është i korruptuar, në funksion të politikës, sepse e ka emëruar politika. Që nga 1992, gjyqtarët emëroheshin nga politika. Prandaj erdhi korrupsioni deri në këtë shkallë që desh e shkatërroi Shqipërinjë. Tani të presim se çfarë do të bëjë SPAK” tha Ngjela.

Liberale Newsroom

Poll
SHQIPENGLISH