Politikë

“Hapja e dosjeve, premtim i pambajtur ” Basha: Ekspozimi i plotë i agjenturës jugosllave dhe sovjetike në Shqipëri, shërbim ndaj demokracisë

Shkruar nga Liberale
“Hapja e dosjeve, premtim i pambajtur ” Basha: Ekspozimi i

 

Kryetari i Partisë Demokratike, Lulzim Basha gjatë aktivitetit “Përballja me të kaluarën Multiperspektiva në histori”, në kuadër të 20 shkurtit, ditës së rrëzimit të bustit të diktatorit Enver Hoxha tha se hapja e dosjeve të ish-Sigurimit të Shtetit është një premtim i pa mbajtur nga klasa e vjetër politike.

“PD ka dërguar në parlament një propozim i cili synon lustracionin, hapjen e plotë të dosjeve edhe si shërbim ndaj demokracisë, eliminim i atyre që kontrollojnë në mënyrë të paligjshme dosjet, për të ushtruar presion, hapja e dosjeve është një premtim i pa mbajtur, dështim pa asnjë ekzagjerim epokal, në periudhën që po përjetojmë, të ringjalljes së aspiratave sunduese të Rusisë putiniste dhe aleatëve të vet të fshehur të Ballkanit Perëndimor siç është Serbia e Vuçiç”, theksoi Basha.

“Ekspozimi i plotë i agjenturës jugosllave dhe sovjetike në Shqipëri. Të hedhim tutje mitet e rreme, të largojmë mbeturinat brenda vetes sonë”, u shpreh ndër të tjera kryetari i Partisë Demokratike.

Liberale Newsroom

Poll
SHQIPENGLISH