Politikë

Gjikondi: PS, në krizë morale. Rama kritikoi socialistët pse nuk ka pëlqime mjaftueshëm në rrjetet sociale

Shkruar nga Liberale
Gjikondi: PS, në krizë morale. Rama kritikoi socialistët pse nuk

Juristja Brisida Gjikondi deklaroi se PS është në një krizë të thellë morale dhe se Rama është tërësisht jashtë realitetit pasi kritikon socialistët pse s'ka 'like' në Facebook.

Ajo ishte e ftuar në emisionin ‘3D’ në RTSH, ku tha se Rama kritikoi socialistët sepse spo merr pëlqime mjaftueshëm në rrjetet sociale.

“Pashë një asamble që u mor me organizimin, por jo me moralin. PS është në krizë morale ndaj, s’ka pasion, rrinin si të tulatur. PS duhet tu ofrojë shqiptarëve një falje të madhe. Ajo ka strehuar njerëz të korruptuar, mëkatarë në rradhët e saj. Asambleja ishte formale dhe shoë i radhës i Ramës. E bëri meqë po vjen dhe Blinken. Nuk foli për SPAK-un sepse vjen Blinken. Ishte Asamble për inerci. PS ka probleme të thella me moralin në lidhje me popullin. Për opozitën as nuk ja vlen të them gjë. Kryetari i asaj partie shumicën e bashkëpunëtorëve i ka me probleme me drejtësinë. Ai u detyrohet shqiptarëve për të gjitha ato problematika në qeverisje, bashki. I është ‘shpuar varka’ pasi ka humbur vlerën e moralit. PS është në kalbëzim të madh. Mund të sajoj disa vota, por nuk është ajo që duhet të presë një parti. Ai përdor slogane mobilerish për konceptin e partisë. Kritikon pse nuk ka like në Facebook! Është absurde. Ka bërë rrugë të bukura, por ena është pa pikë morali. Ai është shkëputur nga realiteti”, tha Gjikondi.

 

Liberale Newsroom

Poll
SHQIPENGLISH