Kryeministri Edi Rama ndodhet në Baku të Azerbajxhanit, ku po merr pjesë në punimet e samitit Botëror për Klimën ‘COP29’ lidhur me ndryshimet klimatike.
Kreu i qeverisë ka ndarë pamje nga fotoja familjare me përfaqësuesit e shteteve, që morën pjesë në këtë ngjarje kyçe për ndryshimet klimatike.
Takimi në Baku pritet të zgjasë deri më 22 nëntor dhe është eventi më i madh që Azerbajxhani ka organizuar deri më sot.
Kryeministri është takuar me kreun e OKB, Antonio Guterres.
Në konferencën dyjavore pritet të adresohen përkushtimet financiare për shtetet e varfra që janë prekur nga valët e të nxehtit, stuhitë dhe vërshimet, pasi intensiteti i tyre është rritur për shkak të ndryshimeve klimatike.
