Deputeti i PD, Ervin Salianji ka mbërritur në seli prej orës 09:00 të mëngjesit të sotëm, teksa pritet mbledhja e grupit parlamentar të PD, në orën 12:00.
Në ambientet e selisë blu ndodhen Gazment Bardhi dhe Agron Gjekmarkaj, teksa në mbledhjen e thirrur për këtë të premte, kreu i grupit parlamentar të PD ka kërkuar që të mos mungojë asnjë deputet.
Në mbledhjen e sotme pritet që të vendoset qëndrimi që deputetët e PD do të mbajnë në seancën plenare të radhës.
Ditën e djeshme Gjykata e Apelit la në fuqi vendimin e Shkallës së Parë, e cila ka dënuar me një vit burg Salianjin, nën akuzën e “kallëzimit të rremë”.
