Seanca plenare e kësaj të hene nisi me tensione dhe kaos, pasi deputetët e PD hodhën sende drejt kryetares së Kuvendit, Elisa Spiropali e cila njoftoi vakancën pas arrestimit të Ervin Salianjit.

Më tej ata morën karriget e kuvendit ku ata ulen dhe i nxorën jashtë në oborrin përpara derës hyrëse të parlamentit, duke iu vënë flakën.

E gjitha kjo skenë ndodhi si shenjë proteste nga ana e opozitës pas dënimit me 1 vit burg të Ervin Salianjit nga Gjykata e Apelit për “moskallëzim krimi”.