Politikë

Ervis Iljazaj për akuzat e Ilir Metës ndaj SPAK: Strategji politike, kërkon të shpëtojë çfarë është e mundur

Shkruar nga Liberale

Ervis Iljazaj për akuzat e Ilir Metës ndaj SPAK: Strategji politike,

Drejtori i Institutit Liberal "Pashko", Ervis Iljazaj deklaron se akuzat e Ilir Metës ndaj kreut të SPAK, Altin Dumani janë një strategji politike, për të minimizuar humbjet dhe për të shpëtuar çdo gjë që është e mundur.

Sipas Iljazajt, Meta ka një rënie të votuesve dhe të deputetëve, në të gjitha sondazhet del me humbje, është akoma në aleanca të paqarta politike.

“Ilir Meta ka qene një kafshë politike, nuk e di nëse është apo i kanë humbur ato instiktet e tija, por dëshira e madhe që ka për t’u përballur me Dumanin më jep një si kështu… se di, pse do që të përballet në televizor.

E dallojmë nga fjalimet e Metës, ai thotë gjithmonë që nuk do ta sekuestroni Partinë e Lirisë. Është e qartë dhe ai vetë e thotë. Unë mendoj që me hetimet që thotë zoti Meta, që ata kanë hyrë aty, SPAK-u do të sekuestrojë partinë etj, me radhë. Kam përshtypjen që zoti Meta, do të shpëtojë çfarë është e mundur.

Për mendimin tim, Meta nuk e bën për vëmendje, por është një strategji politike për të minimizuar humbjet dhe për të shpëtuar çdo gjë që është e mundur nga SPAK dhe nga kriza politike, pasi ka një rënie të votuesve, ka një rënie të deputetëve, në të gjitha sondazhet del me humbje, është akoma në aleanca të paqarta politike. Nuk di se çfarë aleancash do bëj me PD-në, një pjesë e Rithemelimit nuk e do, në këtë kuptim duket si një njëri i vetmuar politikisht. Por që për mendimin tim është strategji”, u shpreh Iliazaj në emisionin “Zonë e Lirë”.

Liberale Newsroom

Poll
SHQIPENGLISH