Politikë

Basha: Shqipëria është zhytur në korrupsion, 200 politikanë kryesorë të vendit të kalojnë procesin e vetingut

Shkruar nga Liberale
Basha: Shqipëria është zhytur në korrupsion, 200

Kryetari i Partisë Demokratike, Lulzim Basha, në një deklaratë për mediat tha se qeveria e korrupatuar e Edi Ramës ka propozuar rezolutë antikorrupsion.

Basha theksoi se kjo është qesharake. Ai tha se parlamenti duhet të kalojë ligjin për vetingun e politikanëve, që 200 politikanët më të rëndësishëm të vendit të kalojnë procesin e vetingut.

"Pasi janë kapur në flagrantë në dhjetëra afera, papritur na ofrojnë rezolutë për të luftuar korrupsionin. Kjo rezulutë është si barcaletë. Në kullat e Tiranës dhe resortet e bregdetit pastrojnë para. Paratë pastrohen edhe jashtë vendit. Rezoluta nuk do të ofrojë asgjë për të ofruar këtë rendje marramendëse drejt pasurimit të paligjshëm".

"SPAK nuk do të ekzistonte, nëse nuk do të kishim këtë korrupsion kaq të lartë. Qeveria ka shkatërruar shpresën e shqiptarëve për të ndërtuar jetë normale. Rama erdhi në pushtet duke premtuar se do të luftojë korrupsionin, ndërsa sot Shqipëria është zhytur në korrupsion tepër të madh. Qeveria të votojë ligjin për vetingun për politikanët. 200 politikanët kryesorë të vendit të vihen në veting, të hetohen kontaktet e tyre dhe pasuria," theksoi kryedemokrati Lulzim Basha.

Liberale Newsroom

Poll
SHQIPENGLISH