Kryetari i Partisë Demokratike, Lulzim Basha, zhvilloi një takim me kryetarin e Lidhjes Demokratike të Malit të Zi, Nikollë Camaj në KiE.
Basha ka bërë publik lajmin përmes një postimi në rrjetin social ‘Facebook’ teksa shprehet se sfidat e sigurisë e bëjnë përherë e më të rëndësishëm bashkëpunimin mes shqiptarëve, në rajon.
“Kënaqësi të takoja Nikollë Camaj, kryetarin e Lidhjes Demokratike të Malit të Zi në Strasburg, në sesionin e Asamblesë Parlamentare të Këshillit të Europës. Sfidat e sigurisë, zhvillimit dhe integrimit e bëjnë përherë e më të rëndësishëm bashkëpunimin mes shqiptarëve në rajon”, shkroi Lulzim Basha.
