Politikë

“7 mijë shqiptarë janë të nisur nga Shqipëria drejt Athinës për mitingun e Ramës?”, kryebashkiaku i Librazhdit: Ja si qëndron e vërteta!

Shkruar nga Liberale

“7 mijë shqiptarë janë të nisur nga Shqipëria

Në media u raportua se kryebashkiaku i Librazhdit Mariglen Disha ka thënë teksa ishte i pranishëm në Athinë se, nga Shqipëria janë nisur 7 mijë qytetarë për të marrë pjesë në takimin e Ramës në kryeqytetin helen. Në fakt, ai ka sqaruar se 7 mijë ishin të pranishëm në sallë dhe ka pretenduar se fjala e tij është nxjerrë qëllimisht nga konteksti. 

Në statusin e tij, Disha thotë se është pyetur për numrin e të pranishmëve në takimpor thotë se më pas përgjigjja e tij është deformuar qëllimisht.

Reagimi i plotë i Maringlen Dishës

Jua kuptoj hallin që kanë. Të braktisur nga njerëzit pasi i kanë zhgënjyer dhe nëpërkëmbur, nuk e pranojnë dot një sallë të tejmbushur si asnjëherë më parë me emigrantë shqiptarë që me sakrifica e ndershmëri jetojnë e punojnë prej vitesh në Greqinë fqinje.

Nuk është thjesht mllefi ndaj Partisë Socialiste dhe Kryeministrit Edi Rama por dyshoj në fakt se është mllefi ndaj bashkëkombësve tanë ai që i shtyn këta të mjerë të bëjnë montazhe qesharake si ky i transmetuar.

Jam pyetur prej tyre sa mendoni se është numri i personave të pranishëm në atë takim dhe jam përgjigjur 7000. Me paturpësi, këtë përgjigje e kanë montuar duke e shkëputur nga konteksti dhe e kanë qepur sipas nevojës së propagandës së tyre bajate sikur të pranishmit në takim ishin marrë me vete nga Shqipëria. Një qepje ordinere që keqpërdor në ekstrem përgjigjen time tjetër për tjetër gjë!

Një takim i tillë me vlera patriotike, pa dallime partiake dhe me krenarinë e madhe që kemi për emigrantët  nuk mund të përbaltet nga një portal që ka për qëllim klikimet dhe keqinformimin e publikut.

Krenarë për emigrantët shqiptarë në Greqi të cilët dhe njëherë treguan vlerat dhe punën e tyre të jashtëzakonshme

Liberale Newsroom

Poll
SHQIPENGLISH