Politikë

171 vota pro! Ambasadori shqiptar në KiE pas votimit: Ç’përfiton Kosova nga anëtarësimi

Shkruar nga Liberale

171 vota pro! Ambasadori shqiptar në KiE pas votimit:

Asambleja Parlamentare e Këshillit të Evropës mbështeti anëtarësimin e Kosovës në këtë organizatë me seli në Strasburg.

Për anëtarësimin votuan 171 deputetë, këndër ishin 29 kurse 11 abstenuan. Asnjë nga amendamentet e propozuara nga Serbia nuk u miratuan.

Kosova bëri një hap drejt anëtarësimit në Këshillin e Europës më 27 mars. Me gjithë votën kundër të Serbisë dhe dy vendeve të tjera, Komitetik për Politikë dhe Demokraci i KiE e miratoi raportin e raportueses për Kosovën, Dora Bakoyannis, e cila rekomandon se vendi ika plotësuar kushtet për t’u anëtarësuar plotësisht në Këshillin e Europës.
Çështja tashmë kalon në duart e ministrave të Jashtëm të Këshillit të Evropës, të cilët duhet të vendosin përfundimisht nëse Kosova do të bëhet anëtarja më e re e organizatës.

Ambasadori dhe përfaqësuesi i Përhershëm i Shqipërisë pranë Këshillit të Evropës (KiE), Dastid Koreshi, është shprehur se votimi i sotëm në Asamblenë e Këshillit të Europës për Kosovën, është rezultat i një pune 2 vjeçare.

Përmes një lidhjeje nga Strasburgu për emisionin “Noë me Erla Mëhillin” në Euronews Albania, Koreshi tregoi benefitet që përfiton Kosova nga anëtarësimi në këtë organizatë.

Ai tha gjithashtu se ata ishin të përgatitur të sfidonin të gjithë argumentat e atyre që ishin kundër anëtarësimit të Kosovës në KiE, ashtu sikurse ndodhi.

“Ajo që ndodhi sot në asamble ishte rezultat i një pune 2 vjeçare. Fillimisht ka qenë argumentimi nga ana e Kosovës, Shqipërisë dhe aleatëve pse Kosova duhet të bëhej anëtare. Në Asamblenë e KiE është më e vështirë për të bërë lobimin, ndërsa në Komitetin e Ministrave është pak më e thjeshtë.

Për Kosovën kjo është një ulëse për një nga organizatat më të rëndësishme të këtij kontinenti. Organizata më e rëndësishme për të drejtat e njeriut në kontinent. Një organizatë e standarteve, por edhe politike. Ulet si shtet anëtar. Janë mbi 220 konventa dhe marrëveshje në Këshillin e Europës që kanë mekanizmat e tyre në fushat e tyre në tre fusha të caktuara, që po punojnë përditë me Kosovën për të rritur këto standarte.

Ne kemi qenë të bindur që në fillim, që të gjitha argumentat që do të ngriheshin, do të ishim të gatshëm që t’i sfidonim. Duke nisur që nga shtetësia e Kosovës, unë e thashë, një organizatë nuk njeh një shtet, janë marrëdhëniet dypalëshe. Argumentet e tjera që kanë dhënë skeptikët, përshembull ‘duhet të jesh anëtar në OKB para se të jesh në KiE’, edhe kjo nuk qëndron, pasi 5 shtete kanë qenë në KiE pa qenë në OKB”, tha Koreshi

Liberale Newsroom

Poll
SHQIPENGLISH