Ministri i Mbrojtjes, Pirro Vengu dha sot një mesazh me rastin e 112-vjetorit të themelimit të Forcave të Armatosura.
“112 vjet nga dita e themelimit të Forcave të Armatosura të Republikës së Shqipërisë, gurthemel i shtetformimit”, u shpreh Vengu në një postim në rrjetet sociale.
Vengu u shpreh se janë 112 vite krenari, përkushtim dhe sakrificë në shërbim të atdheut, simbol i qëndresës dhe sigurisë kombëtare.
Ministri shprehu mes të tjerash respekt dhe mirënjohje për të gjithë ushtarakët që kanë dhënë dhe vazhdojnë të japin për mbrojtjen dhe sigurinë e vendit.
