Kryetari i Partisë Demokratike, Sali Berisha, ishte i ftuari i parë i sezonit të ri "Flet", me moderatoren Ilnisa Agolli, ku si rrallë herë foli për fëmijërinë, rininë, familjen dhe politikën.
Mes të tjerave, lideri i PD pëtmendi gjatë bisedës, Fatos Nanon, për të cilin duket se ruan konsiderata, duke u shprehur se ai u tregua një poltikan me parime dhe besnik.
Pjesë nga intervista:
Ndër vite, kundërshtarët tuaj politikë, kanë pasur ndonjë aspekt të mirë?
Berisha: Ke bërë një pyetje shumë të drejtë. Një politikan mund të ketë shumë virtyte dhe shumë vese, por ai shndërrohet. Është një bindje e kahershme e imja, që ai shndërrohet në fatkeqësi kombëtare nëse nuk vendos që të pranojë vullnetin e qytetarëve të tij. Merr Fatos Nanon për shembull dhe betejat e mia me të.
Ai pranoi rrotacionin dhe u largua nga kryeministër dhe kryetar partie në një moshë që mund t’a merrte partinë në atë kohë. Çfarëdo që mund të thonë për Fatos Nanon, ai u tregua një politikan që në fund të fundit i qëndroi besnik një parimi më themelor.
