Kronikë

VIDEO/ Rrugët kthehen në lumenj, moti i keq dhe përmbytje në Greqi, ja zonat më të prekura

Shkruar nga Liberale

VIDEO/ Rrugët kthehen në lumenj, moti i keq dhe përmbytje në

Greqi është përfshirë nga moti i keq dhe shirat e rrëmbyeshëm ditën e djeshme, teksa rrugët janë kthyer në lumenj.

Në rajonin e Magnezisë fenomeni ka goditur me ashpërsi gjatë natës Pelionin e Jugut, duke përmbytur rrugë dhe rrugica në Zagora, Milies, por pa krijuar asnjë problem serioz. Në qytetin e Volos ka pasur probleme me energjinë elektrike gjatë natës, por ato janë rikthyer shumë shpejt.

Një çift izraelit në Limionas, komuna e Zagorës, të cilët po qëndronin në një apartament në Airbnb, kërkuan ndihmë pasi ishin të frikësuar nga një përrua aty pranë që doli nga shtrati. Forcat zjarrfikëse mbërritën menjëherë në vendngjarje dhe i transportuan të sigurt në Tsagarada.

Ministri i Mbrojtjes Civile dhe Krizave Klimatike Vassilis Kikilias ndodhet prej ditës së djeshme në Thesali për të monitoruar nga afër zhvillimin e motit të keq.

“Kishte një shqetësim të justifikuar të qytetarëve këtu në Thesali sepse kujtimet e një fatkeqësie janë të freskëta, prandaj ishim të gjithë këtu, të koordinuar dhe të organizuar. Më vjen mirë sepse deri më tani kjo përpjekje ka dhënë rezultat. Duke punuar së bashku dhe të koordinuar mund të marrim rezultate shumë të mira”, theksoi ministri nga Larisa.

Liberale Newsroom

Poll
SHQIPENGLISH