Kronikë

U kapën me mbi 100 mijë euro në makinë, procedohen dy shoferët në Fier

Shkruar nga Liberale

U kapën me mbi 100 mijë euro në makinë, procedohen dy

Dy persona janë proceduar penalisht nga Policia e Fierti, pasi gjatë një kontrolli të ushtruar në automjetet e tyre, janë sekuestruar 100 900 euro, 60 000 lekë, të cilat dyshohen se janë përfituar nga veprimtari kriminale të kryera jashtë vendit.

Hetimi ndaj tyre ka nisur pasi dyshohet se shumat e parave janë përfituar nga veprimtari kriminale të kryera jashtë vendit. Vijon puna hetimore për përcaktimin e burimit të të ardhurave të këtyre shtetasve.

Njoftimi i policisë:

Qarkullonin me shuma të mëdha parash, që dyshohet se janë përfituar nga veprimtari kriminale të kryera jashtë vendit, procedohen penalisht 2 shtetas.

Sekuestrohen rreth 100 900 euro, 60 000 lekë dhe 2 automjete.

Specialistët e Sektorit për Hetimin e Krimeve Ekonomike dhe Financiare, në bashkëpunim me shërbimet e Forcës së Posaçme Operacionale, të DVP Fier, bazuar në informacionet e siguruara nga inteligjenca policore, kanë kapur në flagrancë 2 shtetas duke qarkullulluar me automjet, me shuma të mëdha parash, që dyshohet se janë përfituar nga veprimtari kriminale të kryera jashtë vendit.

Në vijim të veprimeve procedurale u referua materialet në Prokurori ku nisi procedimi penal për shtetasit:

-A. L., 51 vjeç, banues në Levan, Fier, pasi gjatë kontrollit në automjetin që drejtonte, shërbimet e Policisë gjetën 89 390 euro, pa dokument shoqërues për burimin e tyre;

-J. Xh., 53 vjeç, banues në Fier, pasi gjatë kontrollit në automjetin që drejtonte, shërbimet e Policisë gjetën 11 500 euro dhe 60 000 lekë, pa dokument shoqërues për burimin e tyre.

Shumat e parave u sekuestruan në cilësinë e provës materiale, bashkë me 2 automjetet tip “Benz” dhe 2 celularë.

Vijon puna hetimore për përcaktimin e burimit të të ardhurave të këtyre shtetasve.

Liberale Newsroom

Poll
SHQIPENGLISH