“Më jep një armë, dua të qëlloj veten”. Këto janë fjalët që i tha policisë babai i 18-vjeçarit me origjinë shqiptare që humbi jetën nga shpërthimi i ndodhur pasditen e sotme në Ercolano (Napoli) brenda në një ndërtesë të vjetër, sipas hetimeve të para. Ndërtesa ishte kthyer në një magazinë dhe fabrikë të paligjshme fishekzjarresh. I ati shkoi në vendngjarje së bashku me nënën e të riut dhe djalin tjetër. “Ku është djali im? A është atje?”, pyeste e ëma me përgjërim mes lotësh. Bashkë me 18-vjeçaren humbën jetën edhe dy motra italiane.

Lajmi tragjik vjen nga Herculaneum, Napoli, ku pasditen e sotme ndodhi shpërthimi në një fabrikë fishekzjarresh. Tre të vdekur janë konfirmuar.

Sipas asaj që mësohet, mes viktimave ishte edhe 18-vjeçari shqiptar në ditën e parë të punës.

Anna Campagna i thotë Il Mattino: “Na thirrën sepse shpërtheu një fabrikë fishekzjarresh. Në këtë fabrikë ishte dhëndri im, një shqiptar 18 vjeç. Ata po hanin nga një sanduiç kur ndodhi shpërthimi".

Të tre punonin në ndërtesën e pabanuar ku do të fillonin punën fundjavën që vjen, në funksion të festave të ardhshme. Ndërkohë, qentë molekularë pritet të mbërrijnë në vend për të kontrolluar praninë e personave të tjerë nën rrënoja.

/Liberale.al/