Dy persona të prezantuar si shtetas të huaj, më oontetisht si ukrainas, kanë vjedhur një shumë të konsiderueshne eurosh në një pikë shërbimesh valutore në Shkodër. 

Dy shtetasit të prezantuar si ukrainas, kanë kërkuar këmbimin e një shume të konsiderueshme. Pasi kanë kërkuar shumë e parave në euro, personi në këtë pikë shërbimesh i ka bërë gati eurot të ndara në dy zarfe duke qëndruar në pritje që dy të huajt t’i sillnin lekët.

Përpara se të largoheshin dy shtetasit e prezantuar si ukrainas mësohet se kanë ndërruar zarfet duke marrë ato me euro dhe duke lënë dy zarfe të mbushura, por pa euro brenda.

Është bërë denoncimi në policinë e Shkodrës ndërsa janë parë edhe kamerat e sigurisë në rrugët e qytettit për të bërë të mundur gjetjen dhe identifikimin e dy të huajve që vodhën eurot.