Automjeti i zjarrfikëses është përfshirë në një aksident pasditen e sotme në fshatin “Vukatanë”, në Shkodër.

Sipas informacioneve paraprake të policisë, dyshohet se drejtuesi i zjarrfikëses shtetasi me iniciale K. M., 30 vjeç, ka humbur kontrollin mbi drejtimin e automjetit dhe ka dalë nga rruga.

Si pasojë e përplasjes janë dëmtuar lehtë dhe ndodhen jashtë rrezikut për jetën shoferi i mjetit, me iniciale K. M. dhe një tjetër punonjës i shërbimit zjarrfikës, shtetasi me iniciale R. K.

Shkodër/Informacion paraprak

Rreth orës 18:20, në fshatin “Vukatanë”, shtetasi K. M., 30 vjeç, duke drejtuar automjetin zjarrfikës, dyshohet se ka humbur kontrollin mbi drejtimin e  automjetit dhe automjeti ka dalë nga rruga.

Si pasojë janë dëmtuar lehtë, jashtë rrezikut për jetën  shtetasit K. M. dhe R. K., ( punonjës të shërbimit zjarrfikës).

Grupi hetimor po punon për sqarimin e rrethanave dhe shkakut të daljes nga rruga.