Një makinë me targa shqiptare është përfshirë në një aksident të rëndë pasditen e sotme në Kroaci, ndërsa raportohet se tre persona janë dërguar në spital me dëmtime të shumta.

Aksidenti ka ndodhur rreth orës 17:45 në autostradën A1, pranë Mosor-it. Policia e Splitit raporton se një person ka ndërruar jetë dhe tre të tjerë kanë mbetur të lënduar rëndë nga djegiet.

Makina "Citroen" me targa shqiptare është përplasur me një gjenerator në një pikë karburanti, duke bërë që të shpërthejë në flakë. Siç raportohet, shoferi i kësaj makine ka ndërruar jetë pasi është djegur brenda mjetit. Siç dallohet nga pamjet e vendngjarjes, zjarri ka shkaktuar djegien e pikës së karburantit dhe disa makinave të tjera që ndodheshin aty pranë.