Moderatori Meriton Mjekiqi ka pësuar një aksident të rëndë një natë më parë teksa po kthehej për në Kosovë, dhe gjendja e tij shëndetësore raportohet të mbetet serioze.

Sipas mediave, ish-banori i Big Brother po udhëtonte nga Shqipëria për në Kosovë kur u përfshi në një aksident automobilistik.

Dëshmitarët e ngjarjes raportojnë se aksidenti ndodhi papritur, kur njëra prej gomave të makinës së tij shpërtheu. Për pasojë, Meritoni humbi kontrollin mbi mjetin, duke dalë nga rruga dhe përfunduar në një fushë të hapur. Për shkak të orës së vonë, ai mbeti i bllokuar brenda automjetit për gati një orë.

Pas ndërhyrjes së ekipeve të shpëtimit, Meritoni u transportua menjëherë në urgjencë për të marrë trajtimin e nevojshëm mjekësor.