Personi që shihni në foto është ekonomisti Selman Mihana, i cili humbi jetën mëngjesin e sotëm në Kurbin.
Ai mbeti viktimë në një atentat, i cili në fakt ishte përgatitur për shefin e tij, pronarin e një firme inertesh, Ardian Gjeloshi. 70-vjeçari Mihana mbeti i vrarë nga breshëria e plumbave kur ishte duke hyrë në zyrë me Gjeloshin, teksa ky i fundit mbeti i plagosur.
Autorët udhëtonin me një makinë dhe kanë hapur zjarr nga rrethimi i jashtëm i firmës, me një armë automatik. Grupi hetimor ka nisur punën për zbardhjen e ngjajres, teksa po mblidhen të dhëna për të gjithë konfliktet e mëparshme që Gjeloshi ka patur dhe që dyshohet, se mund të jenë bërë shkak për këtë atentat.
