Kronikë

FOTO/ Kush ishin nënë e bijë që u gjetën të pajeta në banesë, dëshmitë e fqinjëve   

Shkruar nga Liberale

FOTO/ Kush ishin nënë e bijë që u gjetën të pajeta

Ngjarja e rëndë në Korçë, ku nënë e bijë Eleni dhe Ornela Vangjeli, 74 dhe 54 vjeç u gjetën  të vdekura në banesë, tronditi opinionin publik.

Një fqinjë e dy viktimave në Korçë ka treguar kontaktin e fundit që kishte me 54-vjeçaren Ornela Vangjeli. Sipas fqinjës, Ornela e kishte marrë në telefon ditën e shtunë dhe i kishte kërkuar të shihte nëse e kishte kyçur derën e banesës, pasi ajo ndodhej në spital me nënën.

Ajo shton më tej se pas asaj telefonate, nuk ka parë asnjë njeri dhe nuk ka komunikuar me Ornelën, të cilën dje dhe sot i kishin ardhur edhe kolegët në shtëpi, pasi nuk u ishte përgjigjur në telefon.

Me Ornelën kam komunikuar të shtunën, ajo më tha që kishte shtruar nënën e saj në spital sepse kishte vështirësi në frymëmarrje. Ornela më kërkoi të shihja nëse e kishte mbyllur derën e banesës së saj apo e kishte lënë hapur. Unë shkova kontrollova derën e shtëpisë së saj dhe i thashë që derën e ke të mbyllur”.

“Gjatë këtyre ditëve kur kam dalë nga shtëpia kam trokitur tek dera e Ornelës por nuk më është përgjigjur njeri edhe pse kur kam parë derën nga afër më është dukur sikur brenda kishte çelës”.

“U shqetësova sepse me Ornelën nuk po kontaktoja më. Ornela ishte edukatore në Vithkuq, dje dhe sot erdhën kolegët e punës për ta kërkuar, trokitën edhe ata por dera nuk u hap. Unë mora në telefon edhe mbesën e tyre por as ajo nuk dinte gjë”.

“Sot erdhi djali nga Greqia, tentoi të hapte derën por dera ishte e mbyllur nga brenda. Më pas me ndihmën e zjarrfikses dhe policisë dera u hap por i gjetën të pajeta“, tha ajo për mediat.

FOTO/ Kush ishin nënë e bijë që u gjetën të pajeta

 

 

Liberale Newsroom

Poll
SHQIPENGLISH