Ky është momenti kur autori i vrasjes së 72 vjeçarit në Memaliaj, Blerti Kanushi, 23 vjeç shoqërohet me pranga në duar nga efektivët e policisë.

Pas hetimeve dhe dokumentimeve të ngjarjes ka rezultuar se çifti i bashkëshortëve Skënder dhe Darovi Ajdini kanë nxitur 23-vjeçarin Blerti Kanushi dhe i kanë krijuar kushtet dhe mjetet për të kryer vrasjen.

23-vjeçari sipas policisë së Gjirokastrës në bashkëpunim me Skënder Ajdinin kanë kryer vrasjen me thikë të të moshuarit Faik Ajdini dhe më pas 23-vjeçari është larguar nga vendi i ngjarjes. Pas kryerjes së krimit, Skënder Ajdini dhe Darovi Ajdini kanë zhdukur provat e krimit.