Një ngjarje tragjike ka ndodhur këtë të martë në një fshat të Librazhdit.
Një grua e moshuar gjatë kohës që kulloste tufën e bagëtive është goditur fuqishëm nga pas nga dashi i kopesë dhe është përplasur në tokë.
Fatkeqësisht, goditja dhe përplasja ka qenë fatale për të moshuarën rreth 75 vjeçe, e cila ka ndërruar jetë në vend nga plagët. Ngjarja ka ndodhur në fshatin Dragostunjë në Njësinë Administrative Qendër në Bashkinë Librazhd dhe gruaja e moshuar është gjetur e pajetë nga një e afërme e saj, fqinje me të.
