Mjeku i QSUT-së, Arvin Dibra ka përfunduar në gjendje të rëndë në spitalin e Traumës, ditën e sotme.
Mësohet se mjeku 52-vjeçar ka marrë dëmtime të rënda, pasi u hyri për t’u larë në lumin Bunë. Raportohet se mjeku kirurg është transportuar me helikopter në Spitalin e Traumës në Tiranë për ndërhyrje mjekësore më të specializuar.
Ngjarja ka ndodhur rreth orës 12:25 në fshatin Dajç, ndërsa nuk dihen rrethanat e ngjarjes.
Njoftimi i policisë:
Shkodër/Informacion paraprak
Rreth orës 12:25, në fshatin Dajç, shtetasi A. D., 52 vjeç, kur ka hyrë për tu larë në lumin Buna është dëmtuar fizikisht.
52-vjeçari po transportohet me helikopter në Spitalin e Traumës në Tiranë për ndërhyrje mjeksore më të specializuar.
Grupi hetimor vijon punën për sqarimin e rrethanave të kësaj ngjarjeje.
