Bota e krimit dhe abuzuesit me ligjin për përfitime të paligjshme nuk njohin as nacionalizëm dhe as patriotizëm. Dhe beteja e vërtetë e çdo vendi, përveç politikave dhe strategjive të caktuara, fokusohet mbi luftën ndaj paligjshmërive. 

Debatet boshe mbi nacionalizmin e rremë e vërteton edhe një ngjarje kriminale në lagjen Barking në Lindje të Londrës ku është arrestuar  një shqiptar duke bërë ujdi droge me një serb.

Shqiptari Mirjan Demuçaj, 26 vjeç, banues në Longbridge Road, Barking, është prangosur për shitje  e 2 kg kokainë serbit Milan Vukajlovic më 21 shtator 2021.

Dokumentet e gjykatës parë nga Top Channel tregojnë se Demuçaj po ashtu tentoi të shesë edhe një sasi kanabisi më 02 gusht 2024, për të cilën u arrestua e më pas në sistemin e policisë doli se ishte në kërkim për shitjen e dy KG kokainë 3 vite më parë.

Si akuzë e tretë ndaj shqiptarit është edhe ajo e posedimit të një sasie cash me burim kriminalitetin datë 21 shtator 2021 po në zonën e Barking, ku prej vitit 1998 jeton një komunitet i madh shqiptarësh.

Këto akuza Mirjan Demuçajt iu komunikuan në gjykatën Thames Magistrate Court.