Arrestohet në Madrid 58-vjeçari Haredin Fejzulla, i dënuar nga autoritetet belge me 29 vite burg.

Operacioni i policisë spanjolle çoi në arrestimin e 10 personave, në lagjen Carabanchel të Madridit, mes të cilëve edhe Fejzulla, i akuzuar për drejtimin e një bande me bazë në Belgjikë dhe i përfshirë në kultivimin dhe trafikimin e kanabisit, një biznes i paligjshëm me të cilin ata grumbulluan një pasuri prej më shumë se katër milionë euro.

Në vititn 2022 ai u dënua me 29 vjet burg nga gjykata e Brukselit, por pas vendimit ai u arratis.

Sipas Policisë, hetimet për gjetjen e tij kanë nisur në janar të vitit 2023, për shkak të dyshimeve se ai mund të fshihej në Madrid. I arratisuri mori masa të shumta sigurie për të mos u lokalizuar dhe kishte mjete të ndryshme me të cilat udhëtonte të fshehura, si dhe shtëpi të shumta ku kalonte natën me ndërprerje.

Fejzulla ndërronte rregullisht edhe celularin. Megjithatë, ai u gjet të enjten e kaluar në lagjen Carabanchel kur po shkonte drejt një furgoni që kishte shkuar për ta kërkuar pranë njërës prej vendstrehimeve të tij.