Detaje të reja janë zbardhur në lidhje me akuzat e hedhura nga një adoleshente në Maliq ndaj shokut të babait të saj se ai e abuzonte atë seksualisht për 4 vite. Sipas adoleshentes, përdhunimi ka nisur kur ishte vetëm 12-vjeçe. Më tej theksohet se ajo nuk ka treguar pasi është kërcënuar nga 43-vjeçari i identifikuar si Edison Sheme.

Pas denoncimit është bërë ekspertiza mjeko-ligjore dhe sipas burimeve nga organi i akuzës, vepra penale e “kryerjes së marrëdhënieve seksuale me të mitur” është konsumuar. Autori i dyshuar Edison Sheme ndodhet ende në arrati ndërsa akti i rëndë dyshohet se ka ndodhur në një magazinë në pronësi të 43-vjeçarit në fshat.

Magazina raportohet se ndodhet ngjitur me stallën ku familja e vajzës mbante bagëtitë. Prokuroria ka sekuestruar serverin e kamerave të vendosura në ambientin e brendshëm dhe të jashtëm të magazinës të cilat do të hedhin dritë mbi ngjarjen e rëndë.