Një aksident i rëndë rrugor është regjistruar mbrëmjen e sotme në autostradën Milot-Thumanë.
Nga aksidenti kanë mbetur të plagosur 5 persona nga një familje, njëri prej tyre është në gjendje të rëndë.
Aksidenti ka ndodhur rreth orës 21:30, ku një automjet tip “Volkswagen”, me drejtues shtetasin B. Q., 29 vjeç, ka humbur kontrollin dhe ka dalë nga rruga.
Si pasojë janë dëmtuar drejtuesi i automjetit dhe tre pasagjerët: shtetasit I. Q., rreth 70 vjeç, L. Q., rreth 40 vjeç, dhe M. Ç., rreth 60 vjeçe.
Ngjarja ka ndodhur pranë fshatit Fushë-Gjorem, ndërsa të plagosurit janë dërguar me autoambulanca në Spitalin e Traumës në Tiranë.
Ndërkohë policia po punon për zbardhjen e plotë të rrethanave të aksidentit.
