Një aksident i rëndë ka ndodhur në bulevardin Vlorë-Skelë, ku një motor ka përplasur një kalimtar.

Burime nga vendngjarja bëjnë më dije se kalimtari ishte duke kaluar rrugën në momentin që ndodhi përplasja. Nuk bëhet ende e ditur nëse shkak për aksidentin u bë shpejtësia e lartë motorit apo një gabim i kalimtarit.

Sakaq, të dëmtuar kanë mbetur drejtuesi i motorit dhe kalimtari dhe njëri është në gjendje të rëndë.

Ambulanca ka transportuar të  plagosurit drejt spitalit rajonal, ndërkohë policia ndodhet në vendin e ngjarjes dhe po heton për të zbardhur rrethanat e aksidentit.