Kronikë

25-vjeçarja në timon përplas kalin në Korçë, del nga rruga dhe përlaset me një banesë, përfundon në spital

Shkruar nga Liberale

25-vjeçarja në timon përplas kalin në Korçë,

(Pamje nga vendngjarja)

Një aksident ndodhi mbrëmjen e sotme në aksin rrugor Korçë- Bilisht, në afërsi të kryqëzimit të fshatit Dishincë. Një drejtuese mjeti duke udhëtuar nga Bilishti në drejtim të Korçës me një “Benz” në afërsi të fshatit Dishnicë ka goditur fillimisht një kalë i cili ndodhej në aksin nacional dhe më pas ka humbur kontrollin e mjetit duke goditur barrierat mbrojtëse të rrugës e duke përfunduar në ambientet e jashtme të një shtëpie.

Nga ky aksident ka mbetur e lënduar e reja që po drejtonte mjetin por jashtë rrezikut për jetën, e cila ndodhet në spitalin rajonal të Korçës në kujdesin e mjekëve.

Policia shkoi menjëherë në vendin e ngjarjes për zbardhjen e plotë të këtij aksidenti.

"Rreth orës 22:05, në aksin rrugor “Korçë-Devoll” në fshatin Dishnicë, shtetasja F. S., 25 vjeçe, duke drejtuar automjetin tip “Benz”, dyshohet se ka humbur kontrollin mbi drejtimin e tij dhe si pasojë automjeti ka dalë nga rruga.

Shtetasja F. S. është dërguar në spital, për ndihmë mjekësore jashtë rrezikut për jetën.

Grupi hetimor po punon për sqarimin e rrethanave dhe shkakut të aksidentit" tha policia.

Liberale Newsroom

Poll
SHQIPENGLISH