Aktualitet

Tregtia e paligjshme e shpendëve të egër, qeveria nuk reagon...

Shkruar nga Liberale

Tregtia e paligjshme e shpendëve të egër, qeveria nuk reagon...

Gjueti dhe tregtia e paligjshme e shpendëve të egër është rritur. Ato në një prej tregjeve të hapura të Tiranës. Në një postim në rrjete sociale, Shoqata Ornitologjike e Shqipërisë (AOS) ka raportuar të mërkurën mbi këtë problematikë.

“1000 lekë të reja një rosë e egër dhe 500 lekë një karabullak i vogël/bajzë në tregun e ish Uzinës Dinamo. Krahas tregtimit, ofrohet falas edhemënyra e gatimit në mënyrë të tillë që shpendët e egër të mos mbajnë erë”, shkruan njoftimi i AOS në faqen e tyre zyrtare në Facebook.

Aktivistët për mbrojtjen e mjedisit raportojnë se këto lloje shpendësh të egër tregtohen pothuajse çdo fundjavë, pasi kapen në liqen me rrjeta peshkimi dhe me teknika specifike për vrasjen e tyre.

Ligji nr.10 006 i vitit 2008 për Mbrojtjen dhe Konservimin e Faunës së Egër parashikon mbrojtjen nga keqtrajtimi, dëmtimi dhe plagosja të individëve të llojeve të egra.

Nga ana tjetër, neni 7 i Ligjit për Shpalljen e Moratoriumit të Gjuetisë në Republikën e Shqipërisë, parashikon sanksionimin me gjobë të gjuetarëve apo klubeve të gjuetisë që kryejnë shkeljen, gjobë që varrjon nga 800 mijë deri në 1 milion lekë.

Të kontaktuar nga BIRN, Bashkia e Tiranës, përgjegjëse për administrimin e tregjeve, dhe Policia e Tiranës nuk iu përgjigjën një kërkese për koment, deri në momentin e publikimit të këtij shkrimi.

Mjedisorët i bënë thirrje këtyre autoriteteve të reagojnë për këtë krim mjedisor që cënon faunën e egër.

“Ky është një krim mjedisor dhe duhet trajtuar me të njëjtin seriozitet si çdo krim tjetër”, shkruan Shoqata Ornitologjike Shqiptare në postimin e saj.

Liberale Newsroom

Poll
SHQIPENGLISH