Planet edhe për të hapur një ambasadë indiane në Delhi. Ministri i Jashtëm i Shqipërisë Igli Hasani (majtas) dhe këshilltari i përgjithshëm i nderit në Neë Delhi, Dikshu Kukreja", sipas The Week
Shqipëria ka tre milionë banorë, por merr gati katër herë më shumë turistë – vitin e kaluar 10 milionë njerëz e vizituan, por ministri i Jashtëm Igli Hasani thotë se Shqipëria mund ë presë më shumë.
India është vendi më i populluar sot në planet, me rreth 1.4 miliardë banorë. Rreth 50,000 indianë zbarkuan në vendin që në Indi njihet si toka që na dërgoi Nënë Terezën, por përsëri, thotë Hasani, do të ishin të mirëpritur edhe të tjerë të ngjiteshin në malet e saj, të gëzoheshin në plazhet, të notonin në liqenet dhe të shikonin poshtë në kanionet e Shqipërisë. Ai do të donte të kryente edhe fluturime direkte mes Delhi dhe Tiranës.
Dhe jo vetëm turistët. Ai gjithashtu do të donte që indianët të investonin më shumë. “Qëllimi ynë është të forcojmë më tej lidhjet ekonomike me Indinë pasi shohim potencial të jashtëzakonshëm. Ne duhet të krijojmë mekanizmat e nevojshëm për t'i bërë gjërat të ndodhin," tha Hasani pas takimit me disa sipërmarrës të industrisë në Delhi, ku ai kishte zbritur për të marrë pjesë në Dialogun Raisina. Planet janë duke u nisur për të hapur një ambasadë shqiptare në Delhi; aktualisht konsulenti i përgjithshëm i nderit Dikshu Kukreja përfaqëson Shqipërinë në Indi.
Edhe Kukreja do të donte që më shumë indianë të vizitonin Shqipërinë ku ata kanë versionin e tyre të Atithi Devo Bhava, në formën e besës që fjalë për fjalë do të thotë 'mysafiri është zot'. “Gjuha shqipe i ka rrënjët, në sanskritisht dhe ka një lidhje të fortë me Indinë. Bukuria e vendit dhe natyra paqedashëse e shqiptarëve shkojnë dorë për dore.”
Shqipëria, tashmë anëtare e NATO-s, ka trokitur në dyert e Bashkimit Evropian për anëtarësim. Hasani është në kërkim të partneriteteve ekonomikë në ndërtimin e infrastrukturës, teknologjisë informative, bujqësisë, minierave dhe prodhimit.
Hasani mendon se e kaluara nuk ka qenë aq e mirë me Shqipërinë . - “Ne kishim formën më të ashpër të komunizmit; madje quheshim edhe si Koreja e Veriut e Evropës”, tha ai. Por tre dekadat e fundit kanë qenë një epokë hapjeje dhe lirie, të cilën Shqipëria tani po e mbron. “Ne kemi 33 vite demokraci. E dënuam agresionin e Rusisë ndaj Ukrainës që nga dita e parë dhe kemi mbështetur përpjekjet mbrojtëse të Ukrainës.”
Javën e ardhshme Shqipëria do të presë një takim mbi vendet e Evropës Juglindore për të rishikuar dhe rivlerësuar qasjen e tyre ndaj konfliktit të Ukrainës. “Lufta tregoi se paqja është ende e brishtë në Ballkan,” pranoi ministri shqiptar.
