Këtë të enjte në orën 10:00, do të nisë seanca plenare në Parlamentin e Shqipërisë.
Në rendin e ditës, pritet të diskutohen një sërë projektligjesh, si ai për “Për përpunimin e informacionit të udhëtimit në Republikën e Shqipërisë”, të miratuar nga qeveria me propozim të Ministrisë së Brendshme, projektligji për ratifikimin e marrëveshjes së huas ndërmjet Shqipërisë dhe BERZH, si dhe ndryshimet për strukturën dhe klasifikimin e pagave të personelit pranë KQZ, etj.
Rendi i ditës do të jetë si më poshtë:
–Projektligji “Për përpunimin e informacionit të udhëtimit në Republikën e Shqipërisë”.
–Projektligji “Për kontrollin e kufirit shtetëror”.
–Projektligji “Për shëndetin e bimëve”.
–Projektligji “Për shëndetin e kafshëve”.
–Projektligji “Për disa shtesa dhe ndryshime në ligjin nr. 79/2017 “Për sportin”, i ndryshuar.
–Projektligji “Për disa shtesa dhe ndryshime në ligjin nr. 79/2021, “Për të huajt”.
–Projektligji “Për Zyrën e Rikuperimit të Aseteve”.
–Projektligji “Për ratifikimin e marrëveshjes së huas ndërmjet Republikës së Shqipërisë dhe Bankës Ndërkombëtare për Rindërtimin dhe Zhvillimin për financimin shtesë për “Veprimin e ofrimit të shërbimeve të përqendruara dhe gjithëpërfshirëse të përdoruesit”.
–Projektligji “Për prodhimin, transportin, tregtimin dhe përdorimin e biokarburanteve dhe të lëndëve të tjera djegëse, të rinovueshme për transport”.
-Projektligji”Për disa ndryshime në vendimin e Kuvendit nr. 67/2020 “Për miratimin e strukturës, organikës dhe klasifikimit të pagave të personelit me kohë të plotë pune të Komisionit Qendror të Zgjedhjeve”, të ndryshuar”.
–Diskutime për çështje jashtë rendit të ditës.
Javën e kaluar, nuk munguan përplasjes opozitë-mazhorancë, kryesisht për shtyrjen e seancës së 12 qershorit.
Më 5 qershor pati debate të forta mes mazhorancës dhe opozitës, ku në fokus ishte rezultati zgjedhor i 11 majit.
Partia Demokratike nuk e pranon procesin zgjedhor dhe e cilëson farsë. Nga ana tjetër, mazhoranca ka akuzuar se “nuk bëhet opozitë dyerve të Brukselit”.
