Aktualitet

Shpëtohen dy turistet! Mbetën të bllokuara te “Syri i Ciklopit”. Zbulohen detajet e operacionit

Shkruar nga Liberale

Shpëtohen dy turistet! Mbetën të bllokuara te “Syri i

Policia e Tiranës u ka ardhur në ndihmë 2 turisteve gjermane që kishin mbetur të bllokuara në vendin e quajtur “Syri i Ciklopit”, për shkak të terrenit të vështirë malor dhe errësirës.

Pas gati 5 orësh deri në pas mesnate është bërë i mundur lokalizimi dhe shpëtimi i dy turistëve të moshësh 28 vjeçe dhe 31 vjeçe.

Në shpëtimin e turistëve ndihmoi dhe Federata Shqiptare e Alpinizmit.

“Operacioni i kërkim-shpëtimit, gjatë mbrëmjes së djeshme deri pas mesnatës, u krye nga shërbimet e Komisariatit të Policisë Nr. 1 dhe grupi alpin i Forcës Kombëtare të Sigurisë, në bashkëpunim me Federatën Shqiptare të Alpinizmit.

Mbrëmjen e djeshme, pas njoftimit se 2 turiste gjermane kishin mbetur të bllokuara në vendin e quajtur “Syri i Ciklopit”, për shkak të terrenit të veshtirë malor dhe mungesës së orientimit në errësirë, është organizuar menjëherë puna për gjetjen e tyre.

Shërbimet e Komisariatit të Policisë Nr. 1 dhe grupi alpin i Forcës Kombëtare të Sigurisë, në bashkëpunim me Federatën Shqiptare të Alpinizmit, pas gati 5 orësh kërkime, deri pas mesnatës, kanë bërë të mundur gjetjen dhe shpëtimin e 2 turisteve gjermane, 28 vjeçe dhe 31 vjeçe, të cilat janë në gjendje të mirë shëndetësore.

Policia e Tiranës është e angazhuar maksimalisht për garantimin e sigurisë së turistëve dhe vizitorëve, në vendin tonë. Gjithashtu, fton ata dhe qytetarët që për çdo rast nevoje për ndihmë, të telefonojnë në numrin pa pagesë 112”, thueht në njoftimin e policisë.

Liberale Newsroom

Poll
SHQIPENGLISH