Aktualitet

Shkelën rregullat e qarkullimit rrugor, 27 shoferë të arrestuar dhe 123 patenta të pezulluara. Policia rrugore e rreptë

Shkruar nga Liberale

Shkelën rregullat e qarkullimit rrugor, 27 shoferë të arrestuar

Policia Rrugore ndodhet në aksion, duke monitoruar çdo lëvizje të gabuar të drejtuesve të automjeteve. Mësohet se janë arrestuar 27 shoferë dhe janë pezulluar 123 leje drejtimi për shkak të shkeljeve të rregullave të qarkullimit rrugor.

Sakaq, janë ndëshkuar me gjobë mbi 13 mijë drejtues mjetesh dhe motomjetesh për shkak të shkeljeve të ndryshme nga mosvendosja e rripit të sigurimit deri te përdorimi i telefonit në timon.

Njoftimi i Policisë:


Gjatë kësaj jave, në të gjithë vendin, shërbimet e Policisë Rrugore kanë intensifikuar masat monitoruese, duke përdorur mjetet inteligjente Poliscan, radarët automatikë dhe gjithë bazën logjistike që kanë në dispozicion.

Si rezultat i monitorimit,  janë  evidentuar dhe arrestuar në të gjithë vendin, 27 drejtues mjetesh, për drejtim mjeti në gjendje të dehur ose pa leje drejtimi;

Janë pezulluar 123 leje drejtimi, kryesisht për shpejtësi tej normave të lejuara dhe për drejtim mjeti në efektin e alkoolit;
Janë evidentuar dhe ndëshkuar gjithsej 18 719 drejtues automjetesh dhe motomjetesh, për shkelje të ndryshme, nga këto:
1227 drejtues automjetesh që përdornin celularin gjatë drejtimit të automjetit;
5416 drejtues automjetesh që qarkullonin me shpejtësi tej normave të lejuara, por pa masën plotësuese pezullim i lejes së drejtimit;
1114 drejtues automjetesh, për mosvendosje të rripit të sigurimit;
10 495 drejtues automjetesh, për parkime të gabuara;
467 drejtues motomjetesh, për mosvendosje të kaskës mbrojtëse.
Policia apelon për të gjithë përdoruesit e rrugës, që të zbatojnë me rigorozitet rregullat e qarkullimit rrugor, pasi të gjitha rrugët monitorohen nga mjetet inteligjente dhe patrullat e lëvizshme të Policisë Rrugore.

Me qëllim rritjen e parametrave të sigurisë rrugore, Policia e Shtetit fton qytetarët që të denoncojnë në numrin pa pagesë 112, çdo rast të shkeljes së rregullave të qarkullimit rrugor.

Liberale Newsroom

Poll
SHQIPENGLISH