Aktualitet

Shtetasi rus gjendet pa shenja jete në një apartament në Golem

Shkruar nga Liberale

Shtetasi rus gjendet pa shenja jete në një apartament në Golem

Një shtetas rus me iniciale V.U. është gjetur pa shenja jete në katin e tretë të një pallati në Golem të Kavajës ku banonte.

Policia e Kavajës ka marrë njoftim rreth orës 22:00 të mbrëmjes së djeshme se shtetasi rus, rreth 66 vjeç nuk përgjigjej prej disa ditësh në telefon.

Pas marrjes së njoftimit, shërbimet e Policisë kanë shkuar në adresën e dhënë dhe kanë konstatuar se dera e jashtme e banesës ishte e mbyllur. Shërbimet e Policisë kanë hapur me forcë derën e banesës, ku kanë gjetur pa shenja jete 66-vjeçarin.

Në vendngjarje ndodhet grupi hetimor i cili nën drejtimin e Prokurorit po kryen veprimet për sqarimin e rrethanave dhe dokumentin ligjor të shkakut të humbjes së jetës të 66-vjeçarit.

Liberale Newsroom

Poll
SHQIPENGLISH