Aktualitet

Policja 21-vjeçare u vet*vra me armën e shërbimit, arrestohet i dashuri, fshiu sms në telefonin e saj

Shkruar nga Liberale

Policja 21-vjeçare u vet*vra me armën e shërbimit, arrestohet i

Një ditë pas ngjarjes së rëndë që tronditi kryeqytetin, ku një efektive 21-vjeçare vrau veten me armën e shërbimit, policia ka arrestuar të dashurin  saj.

Shtetasi me iniciale E. N., 28 vjeç, akuzohet për veprën penale pengimi i zbardhjes së të vërtetës.

Sipas informacioneve, menjëherë sapo i dashuri e ka gjetur të pajetë 21-vjeçaren, ka marrë telefonin dhe ka fshirë mesazhet.

Ai dyshohet si shkaktari i vetëvrasjes, për këtë arsye është vënë në pranga, ndërkohë që dyshohet se ata kanë pasur konflikt në çift.

Theksojmë se Aldorjana Loshi, efektive në komisariatin nr.5 në Kamëz i dha fund jetës me një plumb në gjoks me armën e shërbimit. Dyshohet se ajo ishte e vetme në shtëpi kur i dha fund jetës jetës, ndërsa është dashur ndërhyrja e forcave zjarrfikëse për të hapur derën e banesës së saj.

"Në vijim të informacionit paraprak të dhënë ditën e djeshme, ku në rrugën "Todi Shkurti", është vetëvrarë me armën e shërbimit shtetasja A. L., 21 vjeçe, punonjëse policie pranë Komisariatit të Policisë Nr. 5, specialistët për Hetimin e Krimeve të Komisariatit të Policisë Nr. 1, arrestuan shtetasin E. N., 28 vjeç, banues në Kamëz, për veprën penale "Veprime që pengojnë zbulimin e së vërtetës".

Ky shtetas dyshohet se ditën e djeshme ka shkuar në banesën e shtetases A. L., dhe pasi ka njoftuar Policinë për ngjarjen e ndodhur, ka fshirë mesazhet me shtetasen A. L., në telefonin e saj. Materialet i kaluan Prokurorisë.", njofton Policia. 

Liberale Newsroom

Poll
SHQIPENGLISH