Gjykata e Korçës ka lënë në fuqi masën arrest me burg, për babain i cili plagosi me thikë djalin e tij 15 vjeçar në fshatin Vreshatas në Maliq.
Ngjarja ndodhi në banesën e tyre tre ditë më parë, kur babai, Shpëtim Çuka për shkak të shqetësimeve se djali po shpenzonte shumë kohë në rrjetet sociale dhe nuk po shkonte në shkollë, e plagosi atë me thikë.
Sipas burimeve të policisë, djali ka marrë plagë të rënda dhe ndodhet nën kujdesin mjekësor. Ndërsa autoritetet po hetojnë rrethanat e ngjarjes, opinioni publik shpreh shqetësim për dhunën brenda familjes dhe pasojat që kjo sjell për të rinjtë.
