Një aksident i rëndë ka ndodhur pasditen e sotme në rrugën "Demokracia" në Vorë.
Mësohet se dy automjete janë përplasur “kokë më kokë” dhe njëra prej tyre më pas eshte përplasur me murin e derën e një dyqani.
Sipas raportimeve nga vendngjarja, në aksident janë përfshirë dy automjete, të cilat janë përplasur kokë më kokë, duke shkaktuar dëme materiale dhe lëndime për shoferët.
Këta dy të fundit janë dërguar menjëherë në spital për të marrë trajtim mjekësor, ndërsa grupi hetimor po punon për zbardhjen e plotë të ngjarjes.
