Ka përfunduar procesi i verifikimit të 94 kutive të votimit për zonat e Peqinit dhe Gramshit. Procesverbalet me të gjitha gjetjet do t’i dorëzohen Partisë Demokratike (PD), e cila do të analizojë parregullsitë dhe do të paraqesë kërkesat e saj në seancën e ardhshme të KAS-it (Komisioni i Ankimimeve dhe Sanksioneve).
Gazetarja Elda Menga nga Top Channel raporton se nesër do të nisë procesi i rinumërimit për kutitë e votimit të qarkut Tiranë.
Gjatë verifikimeve, vëzhguesit e PD vunë re disa parregullsi. Në 15 raste, fletët e votimit kishin vetëm një vulë dhe jo dy, siç kërkohet nga rregullat. Në disa kuti mungonin fletët e papërdorura, dhe në disa raste të tjera është vërejtur se kanë votuar persona që nuk ishin në listën e votuesve.
