Parandalohet një ngjarje e rëndë kriminale në Lushnjë. Si pasojë është arrestuar një 49-vjeçar, shtetasi Gentjan Hasalla, i cili tentoi të vriste me thikë një 40-vjeçar.

Mjeti prerës, (thika) është sekuestruar nga uniformat blu të Lushnjës, ndërsa 40 vjeçari mori trajtimin e duhur mjekësor në spital dhe tashmë ndodhet jashtë rrezikut për jetën.

NJOFTIMI I PLOTË I POLICISË: 

Tentoi të vriste me mjet prerës (thikë), një shtetas, vihet në pranga autori.

Sekuestrohet mjeti prerës (thikë).

Shërbimet e Komisariatit të Policisë Lushnjë, pas njoftimit të marrë se në një biznes (market), në qytetin e Lushnjës, ka një konflikt, menjëherë kanë ndërhyrë për të parandaluar ngjarjen e mundshme kriminale. Për këtë rast u arrestua në flagrancë shtetasi:

-G. H., 49 vjeç, banues në Lushnjë.

Ky shtetas dyshohet se ka tentuar të vrasë me mjet prerës (thikë), duke i shkaktuar dëmtime në kokë dhe trup, gjatë një konflikti për motive të dobëta, një shtetas 40 vjeç i cili aktualisht ndodhet jashtë rrezikut për jetën.

Mjeti prerës (thikë) u sekuestrua në cilësinë e provës materiale.

Materialet procedurale i kaluan Prokurorisë, për veprime të mëtejshme.