Prokuroria e Posaçme Kundër Korrupsionit dhe Krimit të Organizuar (SPAK), ka paraqitur pretencën për shtatë të pandehurit në dosjen e njohur si “Metamorfoza 2”, ku kërkon dënime me burg nga 6 deri në 15 vite për secilin prej tyre.
Bëhet e ditur se dënimin më të lartë SPAK e kërkon për Behar Bajrin, me 15 vite burg, ndërsa biznesmenit Pëllumb Gjoka i kërkohen 14 vite burg. Për ish-shefin e Operaciones në Tiranë, Oltion Bistri, kërkohet dënim prej 9 vjetësh dhe konfiskimi i pasurive me vlerë 1.3 milionë euro.
Dënimet e tjera që kërkohen janë:
Edmond Preka – 11 vite burg
Astmer Bilali – 10 vite burg
Ardit Hasanbegaj – 9 vite burg
Xhevahir Lita – 6 vite burg
Të pandehurit akuzohen për organizimin e një plani për vrasjen e Kleant Musabelliut, Ibrahim Licit dhe Dorian Dulit.
Gjykata do të vendosë në ditët në vijim për fatin e tyre, duke marrë parasysh edhe mundësinë e uljes së dënimit për shkak të gjykimit të shkurtuar.