Aktualitet

Kryeministri Rama mbërrin me gjysmën e kabinetit në Turqi, zbardhet shënimi që la në mauzoleun e Ataturkut

Shkruar nga Liberale

Kryeministri Rama mbërrin me gjysmën e kabinetit në Turqi,

Kryeministri i Shqipërisë, Edi Rama, ka mbërritur në Turqi, në kuadër të vizitës së tij zyrtare me ftesë të presidentit Recep Tayyip Erdogan.

Liberale sjell sipas detaje nga kjo vizitë sipas asaj që raporton Anadolu.

Kryeministri Rama ka publikuar në rrjetet sociale videon nga mbërritja në aeroportin e Ankarasë, ndërsa është pritur nga zyrtarë turq dhe përfaqësues të Ambasadës së Shqipërisë në Ankara.

Më pas, kryeministri Rama ka zhvilluar një vizitë në mauzoleun Anıtkabir të themeluesit të Republikës së Tuqriqë moderne, Mustafa Kemal Atatürk, në Ankara, ku ka vendosur kurore lulesh në mauzole.

Pas fotografimit, ai ka nënshkruar në Librin special të Anıtkabir-it edhe një mesazh. "Kujtojmë liderin e madh në emrin e të cilit gjejmë rrënjët e shtetit modern turk, trashëgimia e të cilit ngjyros identitetin e shoqërisë turke. Figura e Mustafa Kemal Atatürkut tregon një nivel gjithëpërfshirës, ​​paqeje dhe përparimi që është vështirë të arrihet edhe sot", ka shkruar Rama.

"Këtu, në vendin e shenjtë të prehjes së përjetshme të Atatürkut, ne kremtojmë vizionin e tij për një Turqie moderne, të arritur përmes mënyrave të papritura të dashurisë dhe paqes", shtoi ai.

Në kuadër të vizitës, në Ankara do të zhvillohet takimi i parë i Këshillit të Bashkëpunimit të Nivelit të Lartë Turqi-Shqipëri, nën kryesimin e presidentit Erdogan dhe kryeministrit Rama.

Sipas autoriteteve turke, në mbledhjen e Këshillit do të shqyrtohen të gjitha aspektet e marrëdhënieve Turqi-Shqipëri dhe do të diskutohen hapat që mund të ndërmerren për thellimin e mëtejshëm të bashkëpunimit dypalësh.

Në kuadër të vizitës është planifikuar edhe nënshkrimi i disa marrëveshjeve dhe memorandumeve.

Sipas Kryeministrisë së Shqipërisë, pjesë e delegacionit të kryesuar nga Kryeministri Rama janë edhe zv. kryeministrja dhe ministrja e Infrastrukturës dhe Energjisë, Belinda Balluku; ministri për Evropën dhe Punët e Jashtme, Igli Hasani; ministri i Mbrojtjes, Niko Peleshi; ministrja e Bujqësisë dhe Zhvillimit Rural, Anila Denaj; ministrja e Shëndetësisë dhe Mbrojtjes Sociale, Albana Koçiu; ministrja e Arsimit dhe Sportit, Ogerta Manastirliu dhe ministrja e Turizmit dhe Mjedisit, Mirela Kumbaro.

/Liberale.al/

Liberale Newsroom

Poll
SHQIPENGLISH