Kryebashkiaku i Devollit, Eduard Duro, është paraqitur ditën e sotme në Prokurorinë e Posaçme Antikorrupsion.
Theksojmë se vitin e kaluar, ai u mor nën hetim nga SPAK për “shpërdorim detyre” dhe sot ka seancën e radhës në këtë institucion.
Duro dyshohet se licencoi një karburant që ishte pa leje. Ai u kallëzua në Prokurorinë e Posaçme nga një subjekt tjetër privat.
Përveç Duros, janë nën hetim edhe pesë punonjës të bashkisë së Devollit, mes tyre specialistë të taksave dhe sekretari i përgjithshëm i Bashkisë.
