Aktualitet

Kolegji i Europës "vjen" dhe në Tiranë, qeveria do të financojë 5 bursa për studentët shqiptarë

Shkruar nga Liberale

Kolegji i Europës "vjen" dhe në Tiranë, qeveria do

Qeveria ka miratuar sot marrëveshjen që lejon hapjen e degës së Kolegjit të Europës në Tiranë.

Lajmi u konfirmua nga Ministrja e Arsimit, Ogerta Manastirliu, pas mbledhjes së ministrave,  e cila tha se qeveria shqiptare do të financojë deri në 5 bursa për studentët shqiptarë.


“Kemi miratuar marrëveshjen që hap degën e Kolegjit të Evropës në Tiranë. Kampusi shënon një partneritet strategjik të Shqipërisë dhe institucioneve evropiane por nga ana tjetër i hap mundësinë studentëve të Shqipërisë dhe të rinjve të Ballkanit Perëndimor dhe me gjerë për të studiuar në Tiranë.

Dega e Kolegjit të Europës në Tiranë do të hapë ciklin 2024-2025 në këtë vit akademik. Qeveria shqiptare është e angazhuar nëpërmjet kësaj marrëveshje të iniciojë të gjitha ato aspekte që kanë të bëjnë me ndërtimin e kampusit të Europës dhe do financojë deri në 5 bursa për studentët shqiptarë.  Aplkimet për sa i përket ciklit të studimeve 2024-2025 janë realizuar”, u shpreh ministrja Manastirliu.

Liberale Newsroom

Poll
SHQIPENGLISH