Aktualitet

Kërcënoi e ofendoi turistet në plazh, arrestohet vlonjati pas publikimit të videos, shtrohet në spitalin psikiatrik

Shkruar nga Liberale

Kërcënoi e ofendoi turistet në plazh, arrestohet vlonjati pas

Policia e Vlorës identifikoi dhe vuri në pranga personin që u bë protagonist i një skene të pakëndshme në plazhin e vjetër të Vlorës.

Video e shpërndarë nga turistet ruse, u bë virale, të cilave u shkon afër me çadër dhe i akuzon se i kanë zënë vendin.

Blutë e Vlorës sqarojnë se 42-vjeçari, Klodian Hameti vuante nga probleme të shëndetit mendor ndaj dhe u shoqërua në spitalin psikiatrik  për trajtim mjekësor.

"Në lidhje me një postim në rrjetet sociale ku shfaqej një shtetas në një prej plazheve të qytetit të Vlorës, duke debatuar dhe përdorur fjalë fyese ndaj disa turistëve të huaj, ju informojmë se:
Pas marrjes dijeni të këtij incidenti nga shërbimet e Komisariatit të Policisë Vlorë, është bërë i mundur identifikimi dhe shoqërimi i shtetasit në video, K. H., 42 vjeç, banues në Vlorë.

Nga verifikimet e kryera rezultoi se 42-vjeçari vuante nga probleme të shëndetit mendor dhe u shoqërua në spitalin psikiatrik të Vlorës për trajtim mjekësor. Policia Vlorë është e përkushtuar për të siguruar një mjedis të sigurt dhe të qetë për të gjithë qytetarët dhe turistët. Ne inkurajojmë qytetarët të raportojnë çdo incident të ngjashëm dhe të bashkëpunojnë me autoritetet për të ruajtur rendin dhe sigurinë publike.", njofton Policia. 

Liberale Newsroom

Poll
SHQIPENGLISH